დღეს, 20 აგვისტოს, #48 ხარაგაულის საოლქო საარჩევნო კომისიამ #48.01 დაბა ხარაგაულის საარჩევნო უბნის კომისიის წევრის, ვასილ შარიქაძის, განცხადება განიხილა.

ხუთი დღის წინ ამ კომისიის წევრად არჩეულმა ვასილ შარიქაძემ გუშინ საოლქო კომისიას წევრობიდან გათავისუფლების თხოვნით წერილობით მიმართა.

მის მაგივრად ამ საარჩევნო უბანზე საოლქო კომისიამ ლალი ვაქერ-სებისკვერაძე აირჩია. ქალბატონმა ლალიმ, 15 აგვისტოს – ძირითადი კენჭისყრის დროს, ხმათა საკმარისი რაოდენობა ვერ მოაგროვა.

დავინტერესდით, რატომ გადაიფიქრა ვასილ შარიქაძემ საუბნო საარჩევნო კომისიის წევრობა.

„კორონავირუსზე ავიცერი ამასწინათ და ცოტა ვერ ვარ კარგად. ამიტომ უარი ვთქვი საუბნო საარჩევნო კომისიის წევრობაზე“, – გვიპასუხა ვასილ შარიქაძემ.

ფოტო „ჩემი ხარაგაულის“ არქივიდან