20 აგვისტოს მონაცემებით, ბოლო 24 საათში ხარაგაულში კორონავირუსის 10 ახალი შემთხვევა დადასტურდა.

ინფიცირების ყველაზე მეტი – 4 ახალი შემთხვევა – ლეღვანში გამოვლინდა, ფარცხნალში  – 2, ბაზალეთში, ქვებში, ვარძიასა და ახალსოფელში თითო-თითო ინფიცირებულია. ახალსოფელში მაცხოვრებელი ინფიცირებულის დაავადების წყარო, ჯერჯერობით, უცნობია.

ბოლო 24 საათში ხარაგაულში კორონავირუსისგან არც ერთი პაციენტი არ გამოჯანმრთელებულა.

196 ხარაგაულელი ინფიცირებულიდან 30 სტაციონარში მკურნალობს, ხოლო დანარჩენი, სახლში, ოჯახის ექიმის მეთვალყურეობით.

ხარაგაულში covid-19-ის პირველად დაფიქსირებიდან ამ დრომდე ინფიცირების 976 შემთხვევა დადასტურდა, მათგან 763 გამოჯანმრთელდა, 17 გარდაიცვალა.

ამჟამად ხარაგაულის მუნიციპალიტეტში 181 ადამიანი თვითიზოლაციაში იმყოფება.