ხარაგაულში ახლახან მომხმარებლებს ბუნებრივი აირის მოწოდება შეუწყდათ.

ბუნებრივი აირის ცენტრალური მაგისტრალი „ხანდებში“ ძირულა-ხარაგაულის საავტომობილო გზის მშენებელი კომპანიის ტექნიკამ დააზიანა.

ამის გამო ბუნებრივი აირის გარეშე დარჩნენ დაბა ხარაგაულის, ბაზალეთის, ისლარის, ჯაფაროულის, ჩხერის, ახალსოფელისა და თეთრაწყაროს მომხმარებლები.

ბუნებრივი აირი ამჟამად ზედა ლაშეში – მანჯავიძეებისა და ნიქაცაძეების უბნებში 60 აბონენტს მიეწოდება, კიცხში – 120 აბონენტს.

„სოკარ ჯორჯია გაზის“ ზესტაფონის ფილიალის მენეჯერ ლევან აბაშიძის ინფორმაციით, ხარაგაულში შემომავალი გაზსადენის აღდგენითი სამუშაოები მიმდინარეობს და ბუნებრივი აირის მოწოდება 16:00 საათიდან დღის ბოლომდე ეტაპობრივად განახლდება.

მოგვიწოდებენ, რომ გამოვიჩინოთ სიფრთხილე და ჩაკეტილ მდგომარეობაში ვიქონიოთ გაზის დანადგარები და ონკანები.