ხელნაწერთა ეროვნული ცენტრის კონკურსში „მეფე ერეკლე – ხელნაწერებით გაცოცხლებული ისტორია“ სამმა ხარაგაულელმა მოსწავლემ გაიმარჯვა.

ამის შესახებ ინფორმაცია ხარაგაულის საგანმანათლებლო რესურსცენტრმა მიიღო.

მეფე ერეკლე II-ის დაბადებიდან 300 წლის იუბილეს ფარგლებში გამართულ ესეების კონკურსში „მეფე ერეკლე – ხელნაწერებით გაცოცხლებული ისტორია“ ხარაგაულის მუნიციპალიტეტიდან გამოვლინდნენ გამარჯვებულები სხვადასხვა კატეგორიებში:

  1. ნიკა პაქსაშვილი – ვერტყვიჭალის საჯარო სკოლის მოსწავლე, 15 წლის (ესეების კონკურსის წარმატებული ათეული);
  2. გვანცა გოგოლაძე – ვერტყვიჭალის საჯარო სკოლის X კლასის მოსწავლე (ესეების კონკურსში წარმატებით მონაწილეობისათვის);
  3. თეკლა ებანოიძე – ხარაგაულის №2 საჯარო სკოლის X კლასის მოსწავლე (ესეების კონკურსში წარმატებით მონაწილეობისათვის).

კონკურსი მიმდინარეობდა 2020 წლის სექტემბრიდან ნოემბრის ჩათვლით განათლების, მეცნიერების, კულტურისა და სპორტის სამინისტროსთან კოორდინაციით. მასში მონაწილეობდა 603 მოსწავლე და 125 პრიზიორი გამოვლინდა.

ეს პროექტი, პანდემიის შეზღუდვების გამო, ჯერ არ დასრულებულა და 2021 წლის გაზაფხულზე იგეგმება:

  1. საუკეთესო 125 ნაწერის წიგნად გამოცემა და ამ კრებულის წარდგინება;
  2. გამარჯვებული ახალგაზრდების შეკრება (ონლაინ ან რეალურ გამოფენაზე), სადაც განათლების სამინისტროს, აფხაზეთის მთავრობისა და ხელნაწერთა ეროვნული ცენტრის ოფიციალური პირები საზეიმოდ დაასახელებენ წარმატებულ ახალგაზრდებს, ასევე მათ საშუალება მიეცემათ, დაათვალიერონ მეფე ერეკლეს ეპოქის ხელნაწერი მემკვიდრეობა (რეალურად ან „ონლაინ“).

ხელნაწერთა ეროვნული ცენტრის საგამოფენო და საგანმანათლებლო პროგრამების განყოფილება საინტერესო პროექტების განხორციელებას აპირებს 2021 წლისათვისაც.