კორონავირუსით გარდაცვლილი, 65 წლამდე ასაკის, სოფელ ზვარეში მცხოვრები მამაკაცი სტაციონარში მკურნალობდა. მას თანმხლები დაავადება – შაქრიანი დიაბეტი ჰქონდა.

ხარაგაულში ბოლო 48 საათში კორონავირუსით ინფიცირების 27 ახალი შემთხვევა დადასტურდა და ამით ვირუსის პირველი დაფიქსირებიდან დღემდე ინფიცირებულთა რაოდენობა 351-მდე გაიზარდა. მათ შორის 163 პირი გამოჯანმრთელებულია.

181 ინფიცირებულიდან სტაციონარში 8 პაციენტი მკურნალობს, დანარჩენები ბინაზე – ოჯახის ექიმის მეთვალყურეობით. 147 პირი თვითიზოლაციაშია.

ახალი შემთხვევები შაბათ-კვირას დაბა ხარაგაულში, ხონში, ბორითში, ჩხერსა და კიცხში დაფიქსირდა.

ხარაგაულის საზოგადოებრივი ჯანდაცვის ცენტრის ექიმის, ნინო ყიფშიძის ინფორმაციით, დღეს გეგმიური PCR ტესტირება ბორითისა და ხარაგაულის კოვიდკლინიკების თანამშრომლებს უტარდებათ.

ნინო კაპანაძე