ბოლო 24 საათის განმავლობაში ხარაგაულის მუნიციპალიტეტში კორონავირუსით ინფიცირების 19 ახალი შემთხვევა დადასტურდა.

ეს ინფორმაცია ხარაგაულის საზოგადოებრივი ჯანდაცვის ცენტრიდან მოვიპოვეთ. ეს ხარაგაულში ამ დრომდე 24 საათში გამოვლენილი ინფიცირების ყველაზე მაღალი მაჩვენებელია.

ახალი შემთხვევები დაფიქსირდა ვერტყვიჭალაში, მარელისში, ვახანში, თეთრაწყაროში, ლახუნდარაში, ისლარში, ქვებში, ვარძიაში, საქასრიაში, ჯაფაროულში, კიცხსა და დაბა ხარაგაულში.

ხარაგაულში კოვიდ-19-ის პირველი დაფიქსირებიდან დღემდე 172 ინფიცირებულია. მათგან 65 გამოჯანმრთელდა.

107 აქტიური შემთხვევიდან საავადმყოფოში 6 ინფიცირებული მკურნალობს, დანარჩენები ბინაზე – ოჯახის ექიმის მეთვალყურეობით. თვითიზოლაციაში 74 პირი იმყოფება. ახალი შემთხვევების კონტაქტების მოძიება მიმდინარეობს.

ნინო კაპანაძე