ხარაგაულის საგანმანათლებლო რესურსცენტრის უფროსის, მარინე ვეფხვაძესგან მოპოვებული ინფორმაციით, ხარაგაულის მუნიციპალიტეტში მოქმედი 26 სკოლიდან სწავლების დისტანციურ რეჟიმზე გადავიდნენ ხარაგაულის #2, #3, სასულირო გიმნაზია, წიფის, საღანძილისა და ზვარეს საჯარო სკოლები.

ხვალიდან, 13 ნოემბრიდან, სასწავლო პროცესს დისტანციურად გააგრძელებს ხიდრის საჯარო სკოლაც.

„თუ მშვიდობა იქნა და ეპიდსიტუაცია არ გართულდა, ხარაგაულის #2, #3, სასულიერო გიმნაზია და ზვარეს სკოლა ორშაბათიდან სწავლების ჩვეულ რეჟიმს დაუბრუნდებიან, – ამბობს მარინე ვეფხვაძე, – რაც შეეხება წიფისა და საღანძილის სკოლებს, სწავლების ონლაინ რეჟიმზე კიდევ ერთი კვირა დარჩებიან“.