დღეს, ბოლო 24 საათის განმავლობაში, საქართველოში კორონავირუსის 2 911 შემთხვევა დაფიქსირდა. გამოჯანმრთელებული ადამიანების რაოდენობის ზრდის კუთხით პოზიტიური დინამიკაა. კორონავირუსი 2 421 ადამიანმა დაამარცხა. გარდაიცვალა 45 ადამიანი. მათ შორის თბილისში – 18, აჭარაში – 14, იმერეთში – 7, ქვემო ქართლში – 3, კახეთში – 2, ხოლო სამეგრელო-ზემო სვანეთში – 1 ადამიანი. 2020 წლის 26 თებერვლიდან დღემდე საქართველოში კორონავირუსით 566 ადამიანი გარდაიცვალა.

რეგიონების მიხედვით მაჩვენებლები ასე გამოიყურება: თბილისში გამოვლენილია 1 056 შემთხვევა, აჭარაში – 476, იმერეთში – 469, ქვემო ქართლში – 201, შიდა ქართლში – 134, გურიაში – 76, სამეგრელო – ზემო სვანეთში – 294, კახეთში – 69, მცხეთა-მთიანეთში – 19, სამცხე-ჯავახეთში – 92, რაჭა-ლეჩხუმსა და ქვემო სვანეთში – 25.