ბოლო 24 საათის განმავლობაში ლაბორატორიულად კორონავირუსის 472 ახალი შემთხვევა დადასტურდა.

ჩვენს ქვეყანაში ვირუსის დაფიქსირებიდან დღემდე დადასტურებულ შემთხვევათა რაოდენობაა 10 225. მათ შორის გამოჯანმრთელებულია 5553 პაციენტი, ხოლო გარდაცვლილია – 66. 

კარანტინის რეჟიმში – 5574 პირი რჩება, სტაციონარში მეთვალყურეობის ქვეშ – 836, კოვიდ სასტუმროში – 1338.

თბილისის ინფექციური საავადმყოფოს ბოქსირებული განყოფილების უფროსის, მარინა ენდელაძის ინფორმაციით, ბოლო 24 საათის განმავლობაში 318 პაციენტი გამოჯანმრთელდა.

ამჟამად 4 672 ინფიცირებული მკურნალობს. აქედან 60 კრიტიკულად მძიმეა, 53 იმყოფება მართვით სუნთქვაზე. წუხელ ბათუმის ინფექციურ საავადმყოფოში სამი პაციენტი გარდაიცვალა.

472 ახალი შემთხვევიდან 230 აჭარაში დაფიქსირდა, 134 – თბილისში. იმერეთში – 68, სამცხე-ჯავახეთში, ქვემო ქართლსა და სამეგრელო-ზემო სვანეთში – 8-8, შიდა ქართლში – 6, კახეთსა და მცხეთა-მთიანეთში – 5-5.

მარინა ენდელაძის თქმით, თბილისში იმატებს შემთხვევათა რაოდენობა და სერიოზული სიფრთხილე გვმართებს, რეგულაციების დაცვა აუცილებელია!