ინფექციური საავადმყოფოს სამედიცინო დირექტორი, მარინა ეზუგბაია დადასტურებულ შემთხვევებს ორნაირ განმარტებას აძლევს:

-88 პირს კონტაქტი ჰქონდა სხვა დაინფიცირებულ პაციენტებთან. 50 კოვიდინფიცირებულს მოგზაურობის ისტორია აქვს. 4 გახლავთ საკარანტინე სივრცეში დადასტურებული შემთხვევა, ხოლო დანარჩენი – ცხელების ცენტრებში მყოფი პირებია და მათი კონტაქტების მოძიება გრძელდება.

ეს  170 შემთხვევა რეგიონების მიხედვით ასე  ნაწილდება: 124 შემთხვევა -აჭარა (ბათუმი), 20 – თბილისი, 13 – იმერეთი (ქუთაისი),  6 – სამეგრელო-ზემო სვანეთი (ზუგდიდი), 3 შემთხვევა დაფიქსირდა გურიაში (ოზურგეთი), 3 შემთხვევა მცხეთაში, 1 – რაჭა-ლეჩხუმი (ცაგერი).

დღეს 11 პაციენტი გამოჯანრთელდა. ამ ეტაპზე 1154 პირი მკურნალობს კოვიდ ცენტრებში. აქედან 5 გახლავთ კრიტიკულად მძიმე, ხოლო 35 მძიმე პაციენტი.

დღეის მდგომარეობით, საქართველოში კორონავირუსის დაფიქსირებიდან დღემდე:

  • სულ ინფიცირებულია 2562  პირი;
  • მათ შორის გამოჯანმრთელებულია – 1381 ;
  • გარდაცვლილია – 19; 
  • კარანტინში 6633 მოქალაქე იმყოფება;
  • სტაციონარში მეთვალყურეობის ქვეშ – 836 .