საქართველოში კორონავირუსის 34 ახალი დადასტურებული შემთხვევიდან ბათუმის საკონდიტრო „დონას“ კლასტერიდან 6 შემთხვევაა, – ეს ინფორმაცია ჟურნალისტებს თბილისის ინფექციური საავადმყოფოს სამედიცინო დირექტორმა, მარინა ეზუგბაიამ მიაწოდა.

მისი თქმით, 34 შემთხვევიდან 15 პაციენტის წყარო დადასტურებულ შემთხვევებთან კონტაქტია, 8 პაციენტს აჭარაში მოგზაურობის ისტორია აქვს, ერთი სამედიცინო პერსონალია, 2 შემოტანილი შემთხვევაა, დანარჩენი 2-ის კი წყარო უცნობია.

მარინა ეზუგბაის ინფორმაციით, ამ დროისათვის საქართველოს მასშტაბით კოვიდცენტრებში 342 პაციენტი მკურნალობს, მათგან 3 კრიტიკულად მძიმეა, 16 -ის ჯანმრთელობის მდგომარეობა კი მძიმედ ფასდება.