გასული 24 საათის განმავლობაში, საქართველოში კორონავირუსის 38 ახალი შემთხვევა დადასტურდა.

ინფიცირებულთა საერთო რიცხვი 1548-მდე გაიზარდა.

stopcov.ge-ს მონაცემებით, კორონავირუსისგან განიკურნა 17 პაციენტი. სულ გამოჯანმრთელებულია 1270 ინფიცირებული.

საქართველოში COVID-19-ით გარდაცვლილია 19 ადამიანი.

კარანტინის რეჟიმშია 5185 პირი და სტაციონარში მეთვალყურეობის ქვეშ – 215.

თბილისის ინფექციური საავადმყოფოს სამედიცინო დირექტორის მარინა ეზუგბაიას განმარტებით 38 ახალი შემთხვევიდან 22 დაკავშირებულია ბათუმში საკონდიტრო მაღაზია “დონას” წყაროსთან. 7 არის დაავადებულთან კონტაქტი. 4 – უცხოეთში დაინფიცირებულია, აქედან ორი სატვირთო ავტომობილის მძღოლი. ხოლო ხუთი პაციენტის ინფიცირების წყარო ჯერჯერობით უცნობია და მიმდინარეობს კვლევა.  სულ კოვიდცენტრებში 251 პაციენტი მკურნალობს.