24 აგვისტოს საქართველოში კორონავირუსის ათი ახალი შემთხვევა დაფიქსირდა. გამოჯანმრთელებულთა რიცხვი კი მხოლოდ ხუთი პაციენტით გაიზარდა.

ინფექციური საავადმყოფოს სამედიცინო დირექტორმა მარინა ეზუგბაიამ განაცხადა, რომ დღევანდელი დადასტურებული შემთხვევებიდან ერთი ინფიცირებულის წყარო უცნობია.

„ორი პაციენტი ლენჯერის კლასტერს განეკუთვნება, ორი დაავადებულის წყარო ასევე ცნობილია. ხუთი პაციენტი სხვა ქვეყნებიდან შემოვიდა, მათ შორის ერთ-ერთი სატვირთო ავტომობილის მძღოლია. ერთ შემთხვევაზე გრძელდება ეპიდემიოლოგიური კვლევა, კონტაქტებისა და წყაროს დადგენის მიზნით.

გამოჯანმრთელებულთა პროცენტული მაჩვენებელი არის 80%, ხოლო ლეტალობა 1.20 %-ია.

დღეის მონაცემებით, კოვიდ ცენტრებში 267 პაციენტი მკურნალობს. აქედან 5 კვლავ კრიტიკულად მძიმეა, 24 კი შედარებით მსუბუქი. ისინი მკურნალობას კოვიდ ცენტრების რეანიმაციისა და ინტენსიური თერაპიის განყოფილებაში განაგრძობენ. დანარჩენი პაციენტების მდგომარეობა საშუალო სიმძიმისაა, უფრო ცოტასი კი მსუბუქი“, – აღნიშნა მარინა ეზუგბაიამ.

დღეის მდგომარეობით, საქართველოში კორონავირუსის დაფიქსირებიდან დღემდე

  • სულ ინფიცირებულია 1421 პირი;
  • მათ შორის გამოჯანმრთელებულია – 1137;
  • გარდაცვლილია – 17; 
  • კარანტინში 7005 მოქალაქე იმყოფება;
  • სტაციონარში მეთვალყურეობის ქვეშ – 255.