საქართველოში კორონავირუსის 15 ახალი შემთხვევიდან 4 პაციენტის დაინფიცირების წყარო მესტიის მუნიციპალიტეტის სოფელი ლენჯერია.

6 პაციენტს ვირუსი სხვა დაავადებულ ადამიანებთან ურთიერთობის შედეგად გადაედო, 3  ე.წ. შემოტანილი შემთხვევაა, ხოლო 2 შემთხვევაზე წყაროებისა და  კონტაქტების მოძიება  მიმდინარეობს.

ამ ინფორმაციას ინფექციური საავადმყოფოს კლინიკური დირექტორი მარინა ეზუგბაია ავრცელებს.

მისი თქმით, ამ დროისთვის კოვიდცენტრებში 240 პაციენტი მკურნალობს. ამათგან 6 პაციენტის მდგომაროება მძიმეა და ისინი რეანიმაციულ განყოფილებაში იმყოფებიან. 23 პაციენტის მდგომარეობა მძიმეა, ხოლო დანარჩენი პაციენტები საშუალო ან საშუალოზე მსუბუქი ვითარებით ხასიათდებიან.

stopcov.ge-ის განახლებული მონაცემები ასე გამოყურება:

  • კორონავირუსის დადასტურებული შემთხვევა – 1385
  • მათ შორის გამოჯანმრთელებული – 1128
  • მათ შორის გარდაცვლილი – 17
  • კარანტინის რეჟიმში – 6903
  • სტაციონარში მეთვალყურეობის ქვეშ – 278
  • *უცხოეთიდან სამკურნალოდ გადმოყვანილი საქართველოს მოქალაქეები – 41