მთავრობისგან ინიცირებული პროგრამა- „სახელმწიფო შენი პარტნიორია“ – საქართველოს მოქალაქეებს აძლევს შესაძლებლობას, დაიწყონ მეწარმეობა.

„თავი მოეყარა ყველა იმ პროგრამას, რომლებსაც მოქალაქეებს სხვადასხვა სამინისტროები სთავაზობდნენ, – აღნიშნა პრემიერ-მინისტრმა გიორგი გახარიამ 20 აგვისტოს მთავრობის სხდომაზე, – ეს პროგრამა არის მნიშვნელოვანი თითოეული ოჯახისთვის, რომელიც მზად არის გარკვეული რისკები აიღოს თავის თავზე და დაიწყოს მეწარმეობა.

იუსტიციის სამინისტროს დახმარებით, საქართველოს მასშტაბით 80 საზოგადოებრივ ცენტრსა და იუსტიციის 24 სახლში საქართველოს ნებისმიერ მოქალაქეს შეუძლია მივიდეს და სახელმწიფოს მხარდაჭერის პროგრამებს გაეცნოს. ყველა დაინტერესებული პირი ადგილზე სრულყოფილ ინფორმაციას მიიღებს“.