გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის ინფორმაციით, 2020 წლის 01 ივლისიდან 31 ივლისის ჩათვლით, ხე-ტყის უკანონო მოპოვებისა და ტრანსპორტირების 213 ფაქტი გამოვლინდა, მათ შორის 13 ფაქტი სისხლის სამართლის დანაშაულის ნიშნებს შეიცავს.

ხე-ტყის უკანონო მოპოვებისა და ტრანსპორტირების ყველაზე მეტი, 77 ფაქტი კახეთის რეგიონული სამმართველოს სამოქმედო ტერიტორიაზე გამოვლინდა.

ხე-ტყის უკანონო მოპოვების 49 ფაქტი დაფიქსირდა იმერეთში.

გარემოსდაცვითი ზედამხედველობის დეპარტამენტისგან მოპოვებული ინფორმაციით, უშუალოდ ხარაგაულში, ივლისის თვეში ხე-ტყის უკანონო მოპოვებისა და ტრანსპორტირების 11 შემთხვევაა აღრიცხული. ასევე, გამოვლინდა სახერხი საამქროების ტექნიკური რეგლამენტის დარღვევის ერთი ფაქტი.

საქართველოს ტერიტორიაზე ჯამში, ამოღებულია უკანონოდ მოპოვებული 1 000 მ3-ზე მეტი ხე-ტყე.

ამავე პერიოდში დაფიქსირდა სახერხი საამქროს ტექნიკური რეგლამენტის დარღვევის 28 ფაქტი. ასევე, ამოღებულია 10 ერთეული დაურეგისტრირებელი სახერხი.

მასალები, შემდგომი რეაგირებისთვის, შესაბამის უწყებებშია გადაგზავნილი.