საქართველოში კორონავირუსის კიდევ 4 ახალი შემთხვევა დაფიქსირდა, ხოლო 13 პაციენტი გამოჯანმრთელდა.

ინფორმაცია დღეს დილით მთავრობის მიერ შექმნილ სპეციალურ ვებგვერდზე stopcov.ge-ზე განახლდა. 

ინფექციური საავადმყოფოს კლინიკური დირექტორის, მარინა ეზუგბაიას თქმით, ოთხივე დადასტურებული შემთხვევა იმპორტირებულია და დაავადებულები სატვირთო ავტომობილის მძღოლები არიან. 

ამ დროისთვის კოვიდცენტრებში 142 პაციენტი მკურნალობს.

14 ივლისის განახლებული მონაცემები ასე გამოყურება:

  • კორონავირუსის დადასტურებული შემთხვევა – 999;
  • მათ შორის გამოჯანმრთელებული – 870;
  • მათ შორის გარდაცვლილი – 15;
  • კარანტინის რეჟიმში – 5001;
  • სტაციონარში მეთვალყურეობის ქვეშ – 219;
  • უცხოეთიდან სამკურნალოდ გადმოყვანილი საქართველოს მოქალაქეები – 31.