ხარაგაულის მუნიციპალიტეტის სოფელ კიცხში საჯარო სკოლისთვის ახალ შენობას მუნიციპალური განვითარების ფონდი აშენებს.

ტენდერში მხოლოდ ერთი სამშენებლო კომპანია „იმერეთი.ჯი“ მონაწილეობს. ამჟამად მიმდინარეობს შერჩევა-შეფასების პროცესი. ტენდერში გამარჯვებული კომპანია შენობის პროექტირებასა და სკოლის ახალი შენობის აშენებას 2 382 356 ლარად გეგმავს.

კიცხის სკოლის პროექტირება-მშენებლობისთვის ტენდერი მუნიციპალური განვითარების ფონდმა 2 470 043 ლარზე გამოაცხადა. ტენდერში გამარჯვებულმა ორგანიზაციამ ახალი შენობის პროექტი 5 თვეში უნდა მოამზადოს, ხოლო სკოლა პროექტირებიდან ერთი წლის ვადაში უნდა აშენდეს. სკოლის ახალი შენობა 150 მოსწავლეზეა გათვლილი.

იმ პროექტების შესახებ ინფორმაციას, რომლის განხორციელებასაც მუნიციპალური განვითარების ფონდი იმერეთში 2019-2020 წლებში გეგმავს, გაეცანით აქ.