ზესტაფონის მუნიციპალიტეტის საგანმანათლებლო რესურსცენტრს ქეთევან შარიქაძე უხელმძღვანელებს.

ქეთევან შარიქაძეს განათლების სფეროში მუშაობის მრავალწლიანი გამოცდილება აქვს – მასწავლებლად მუშაობის 20-წლიანი, ხოლო სკოლის დირექტორის თანამდებობაზე საქმიანობის 19-წლიანი გამოცდილება.

იგი ორი ვადით ზესტაფონის მუნიციპალიტეტის სოფელ კვალითის საჯარო სკოლის დირექტორად იყო არჩეული, 2023 წლიდან დღემდე ზესტაფონის №3 საჯარო სკოლის დირექტორად მუშაობდა.

„უდიდეს პასუხისმგებლობას ვგრძნობ ამ თანადებობაზე დანიშვნის გამო, – ამბობს ქეთევან შარიქაძე „ჩემი ხარაგაულის“ რედაქციასთან პირველ კომეტარში, – ვეცდები, ჩემი შრომისმოყვარეობა და განათლების სფეროში მუშაობის მრავალწლიანი გამოცდილება ზესტაფონის მუნიციპალიტეტის სკოლების განვითარებას, საგანმანათლებლო პროცესის გაუმჯობესებას მოვახმარო“.

ვულოცავთ ქეთევან შარიქაძეს ზესტაფონის საგანმანათლებლო რესურსცენტრის უფროსად დანიშვნას და წარმატებებს ვუსურვებთ.