ხარაგაულის მუნიციპალიტეტში მოქმედ საბავშვო ბაღებში სასწავლო-სააღმზრდელო პროცესი 4 მარტიდან განახლდება.

ამ ინფორმაციას ხარაგაულის სკოლამდელ დაწესებულებათა გაერთიანება, სოციალური ქსელით, ავრცელებს.
„ამინდის მკვეთრად გაუარესების გამო, ხარაგაულის სკოლამდელ დაწესებულებათა გაერთიანების ყველა საბავშვო ბაღში, სასწავლო – სააღმზრდელო პროცესი, დროებით, შეჩერებულია. საბავშვო ბაღები მუშაობას, 4 მარტიდან განაახლებენ“, – ნათქვამია განცხადებაში.
დასავლეთ საქართველოში, მათ შორის ხარაგაულის მუნიციპალიტეტში, რამდენიმე დღეა, გადაუღებლად თოვს.
თოვლის საფარმა , განსაკუთრებით სოფლებში, 1,5 – 2 მეტრამდეც კი მიაღწია.