![](http://chemikharagauli.com/wp-content/uploads/2024/05/USAID-1.jpg)
იმერეთის 12-ივე მუნიციპალიტეტიდან, 93 საჯარო სკოლის მონაწილეობით „USAID-ის სამოქალაქო განათლების პროგრამის“ აკადემიური წლის შედეგების საპრეზენტაციო შეხვედრა გაიმართა 29 მაისს ქალაქ ქუთაისში.
შემაჯამებელ ღონისძიებაში მონაწილეობდნენ პროექტში ჩართული იმერეთის რეგიონის 93-ვე პარტნიორი სკოლა, იმერეთის რეგიონის მუნიციპალიტეტების საგანმანათლებლო რესურსცენტრების ხელმძღვანელები, არასამთავრობო სექტორის წარმომადგენლები, ადგილობრივი მედია ორგანიზაციები და ადგილობრივი ბიზნეს სექტორი. ასევე პროექტის განმახორციელებელი PH-international და სხვა პარტნიორი ორგანიზაციები.
ღონისძიებაზე დაჯილდოვდნენ პროგრამის ფარგლებში შექმნილი გეიმიფიცირებული პროგრამის „ღია თვითმმართველობის“ გამარჯვებულები და გამოვლინდა იმერეთის რეგიონში 2024 წლის საუკეთესო მოსწავლეთა თვითმმართველობა.
ღონისძიებაზე პარტნიორი სკოლების წარმომადგენლებმა ისაუბრეს გასული აკადემიური წლის შედეგებზე.
USAID-ის სამოქალაქო განათლების პროგრამას ახორციელებს ამერიკული ორგანიზაცია PH International ამერიკის შეერთებული შტატების საერთაშორისო განვითარების სააგენტოს (USAID) დაფინანსებით და საქართველოს განათლებისა და მეცნიერების სამინისტროს მხარდაჭერით. იმერეთში ამ პროგრამის რეგიონული პარტნიორია სამეცნიერო-ინტელექტუალური კლუბი „თაობათა დიალოგი“.
ფოტორეპორტაჟი სოციალურ ქსელში
ანზორ ერქომაიშვილის სახელობის ფოლკლორის სახელმწიფო
საქართველოს სახალხო დამცველმა, აშშ-ს საერთაშორისო განვითარების
საოლქო საარჩევნო კომისიების მიერ საუბნო
სპეციალურმა საგამოძიებო სამსახურმა
საქართველოს საპატრიარქოს ინფორმაციით,