14 დეკემბერს ევროპულმა საბჭომ საქართველოს კანდიდატი ქვეყნის სტატუსი მიანიჭა, უკრაინასა და მოლდოვასთან კი გაწევრიანების მოლაპარაკებების დაწყების გადაწყვეტილება მიიღო.

საბჭომ ასევე გადაწყვიტა, დაიწყოს მოლაპარაკებები ბოსნია და ჰერცეგოვინასთან მას მერე, რაც ქვეყანა წევრობის კრიტერიუმებს საჭირო დონეზე დააკმაყოფილებს.

ამ გადაწყვეტილებათა გათვალისწინებით, საბჭომ კომისიას მარტის თვისთვის ანგარიშის შედგენა სთხოვა.

„იმედის აშკარა ნიშანი მათი ხალხისა და ჩვენი კონტინენტისთვის“, — დაწერა ევროპული საბჭოს პრეზიდენტმა, შარლ მიშელმა X-ზე.

8 ნოემბერს გამოქვეყნებულ 2023 წლის გაფართოების პაკეტში ევროკომისიამ გასცა რეკომენდაცია, დაწყებულიყო გაწევრიანების მოლაპარაკებები უკრაინასთან და მოლდოვასთან და მინიჭებოდა საქართველოს კანდიდატის სტატუსი იმ დათქმით, რომ ქვეყანა გარკვეულ ნაბიჯებს გადადგამდა.