„სოფლის მხარდაჭერის პროგრამა 2023“-ის ფარგლებში ხარაგაულის მუნიციპალიტეტის სოფლებში მოსახლეობასთან შეხვედრები 24 იანვარს დაიწყო. ადგილობრივი თვითმმართველობის წარმომადგენლები ხევისა და ხუნევის თემის სოფლების მოსახლეობას შეხვდნენ. კრებაზე დამსწრე მოსახლეობის უმრავლესობა ირჩევს, სოფლისთვის გამოყოფილი თანხით რომელი პრობლემა მოგვარდეს.

მოსახლეობის გადაწყვეტილებით,

  • ხუნევში ამ სოფლისთვის გამოყოფილი 16 ათ. ლარით დაიგეგმა – გარე განათების მოწყობა ეკლესიისა და გუბათის უბნებში და სასაფლაოს შემოღობვა;
  • გედსამანიაში (გამოყოფილია 12 ათ. ლარი) – ჩადუნელებისა და ჭალის უბანში ხიდ-ბოგირების მოწყობა; გარე განათების ქსელის მოწყობა, სასაფლაოს შემოღობვა;
  • ვერტყვიჭალაში (16 ათ. ლარი) – გოგოლაძეების უბანში გზის მობეტონება;
    გოგოლაძეებისა და ციცქიშვილების უბნებში გარე განათების ქსელის მოწყობა;
  • ვერტყვილაში (12 ათ. ლარი) – აბაშიძეების უბანში – საყრდენი კედლის მოწყობა;
    ხუწურის უბანში – სანიაღვრე არხის მოწყობა და გზის გასწორხაზოვნება;
    ბლიაძეების და ლურსმანაშვილების უბნებში გარე განათების ქსელის მოწყობა;
    გოგიაშვილების უბანში წყლის სათავე ნაგებობის მოწყობა;
  • ბჟინევში (10 ათ. ლარი) – სასაფლაოს შემოღობვა.
  • ხევში  (12 ათ. ლარი) გარე განათების მოწყობა და საუბნო გზების მოხრეშვა;
  • წაქვაში (12 ათ. ლარი) – სასაფლაოს შემოღობვა;
  • გრიგალათში (12 ათ. ლარი) – გარე განათების ქსელის მოწყობა;
  • ციცქიური – (10 ათ. ლარი) – გარე განათების ქსელის მოწყობა.

ხარაგაულის მუნიციპალიტეტში მოსახლეობის კრებები, „სოფლის მხარდაჭერის პროგრამით“ განსახორციელებელი პროექტების შესარჩევად, 3 თებერვლის ჩათვლით გაგრძელდება.

2023 წლისათვის, ამ პროგრამის ფარგლებში ხარაგაულის მუნიციპალიტეტს, ცენტრალური ბიუჯეტიდან, გასული წლის მსგავსად, 890 ათასი ლარი გამოეყო.