ამ წუთებში ხარაგაულის #2 საჯარო სკოლაში ეროვნული სასწავლო ოლიმპიადის მეორე ტური მიმდინარეობს.

ქართულ ენასა და ლიტერატურაში მეორე ეტაპზე ხარაგაულის მუნიციპალიტეტიდან სულ შვიდი მოსწავლე გადავიდა, სესიაზე მხოლოდ 3 მათგანი გამოცხადდა.

ეროვნული სასწავლო ოლიმპიადის ქართულის სესიის დამკვირვებელ ნათია კაციტაძის ინფორმაციით, წელს ეროვნული სასწავლო ოლიმპიადის მეორე ტურში ხარაგაულის  მუნიციპალიტეტიდან 70 მოსწავლე გადავიდა. მათგან ყველაზე მეტი გეოგრაფიაში მიიღებს მონაწილეობას.

ოლიმპიადის ფიზიკის სესიაში არც ერთი მოსწავლე არ მონაწილეობს.

ეროვნულ სასწავლო ოლიმპიადაში წელს მეორედ მონაწილეობს მოლითის საჯარო სკოლის მეთორმეტე კლასის მოსწავლე ნათია არევაძე.

„ქართული ენა და ლიტერატურა სასკოლო საგნებიდან ყველაზე მეტად მიყვარს. ამიტომ გადავწყვიტე ოლიმპიადაში მიმეღო მონაწილეობა, რომ ამ საგანში ჩემი ცოდნა გადავამოწმო“, – ამბობს ნათია.

ეროვნული სასწავლო ოლიმპიადა საგამოცდო ცენტრებში, მთელი ქვეყნის მასშტაბით, დღეს, 10:00 საათიდან დაიწყო. მეორე სესია ისტორიაში დღეს, 15:00 საათზე, ჩატარდება. მონაწილეები საგამოცდო ცენტრებში სესიის დაწყებამდე ნახევარი საათით ადრე უნდა გამოცხადდნენ.

2022-2023 სასწავლო წლის ეროვნული სასწავლო ოლიმპიადის მეორე ტურის ჩატარების განრიგი:

9 იანვარს:

  • 10:00 საათზე – ქართულ ენასა და ლიტერატურაში და ქართულ ენაში არაქართულენოვანი ზოგადსაგანმანათლებლო დაწესებულების მოსწავლეებისათვის;
  • 15:00 საათზე – ისტორიაში;

10 იანვარს:

  • 10:00 საათზე – ქიმიაში;
  • 15:00 საათზე – გეოგრაფიაში;

11 იანვარს:

  • 10:00 საათზე – მათემატიკაში;
  • 15:00 საათზე – ინგლისურ ენაში;

12 იანვარს:

  • 10:00 საათზე – ფიზიკაში;
  • 15:00 საათზე – ბიოლოგიაში;

13 იანვარს:

  • 10:00 საათზე – რუსულ ენაში;
  • 12:30 საათზე – გერმანულ ენაში.
  • 15:00 საათზე – ფრანგულ ენაში.