ტურიზმის ეროვნული ადმინისტრაციის მხარდაჭერით 16-18 სექტემბერს ჭიათურაში ტურისტული ფესტივალის ჩატარება იგეგმება.

ფესტივალის ფარგლებში მოეწყობა ტურისტული ბანაკი, ნაოსნობა, ველოტური, სპალეოტურიზმი;​ მეკლდეურობა და ვია ფერატას შოუ. წარმოდგენილი იქნება კერძები. ღონისძიებას მუსიკალურად გააფორმებს TAMADA და Loudspeakers.

ჭიათურის ტურისტული ფესტივალის გენერალური სპონსორია „ჯორჯიან მანგანეზი“. ფესტივალის მხარდამჭერები არიან – იმერეთის დანიშნულების ადგილის მართვის ორგანიზაცია და ჭიათურის მუნიციპალიტეტის მერია. ფესტივალის პარტნიორია სვერის სათავგადასავლო ბანაკი.

„მოდი ჭიათურის ტურისტულ ფესტივალზე და მოიწყვე დაუვიწყარი თავგადასავალი“ – მოგვიწოდებს ტურიზმის ეროვნული ადმინისტრაცია.