დღეს, 20 მაისს, სკოლებში მეთორმეტე კლასელებისთვის „ბოლო ზარი“ დაირეკა.

ხარაგაულის მუნიციპალიტეტში მოქმედ 21 საშუალო სკოლაში სწავლა 200-მა მოსწავლემ დაამთავრა. ხარაგაულის საგანმანათლებლო რესურსცენტრიდან მოპოვებული ინფორმაციით, ხარაგაულის 2021-2022 სასწავლო წლის კურსდამთავრებულებიდან 39 მედალოსანია, მათგან 36-მა ოქროს მედალი დაიმსახურა, ხოლო სამმა – ვერცხლი.

2022-2023 სასწავლო წლისთვის ხარაგაულის მუნიციპალიტეტში სწავლას, ამჟამინდელი ინფორმაციით, 187 პირველკლასელი შეუდგება.