ეს გადაწყვეტილება საკოორდინაციო საბჭოს სხდომაზე მიიღეს.

„სკოლებში არდადეგები 29 დეკემბრიდან 17 იანვრის ჩათვლით გაგრძელდება. საბჭომ მიიღო გადაწყვეტილება, უქმე დღეებად გამოცხადდეს პირველი იანვრიდან 10 იანვრამდე პერიოდი.

ეს ეხება საჯარო დაწესებულებებს, ხოლო კერძო სექტორს შეუძლია გადაწყვეტილება თავად მიიღოს და უქმე დღეებად გამოაცხადოს ეს პერიოდი, სხვა დამატებითი შეზღუდვა ამ ეტაპზე არ იგეგმება“ , – აღნიშნა უწყებათაშორისი საკოორდინაციო საბჭოსთან არსებული ოპერატიული შტაბის უფროსმა გიორგი ღიბრაძემ.