ხარაგაულის საკრებულოში პოლიციელები მოვიდნენ.

მათი განცხადებით, შეტყობინება შევიდა, რომ საკრებულოში ფიზიკური დაპირისპირებაა.

დეპუტატი „ერთიანი ნაციონალური მოძრაობიდან“ თორნიკე ავალიშვილი #48 ხარაგაულის საოლქო საარჩევნო კომისიის თამჯდომარე გია ცისკაძეს პირველი სხდომის გახსნის საშუალებას არ აძლევს.

 

ავალიშვილი მიიჩნევს, რომ გია ცისკაძე არჩევნების გამყალბებელია და მას სხდომის გახსნის უფლება არ აქვს.

თორნიკე ავალიშვილი პოლიციამ სხდომიდან ძალის გამოყენებით გაიყვანა.

საკრებულოს სხდომა დატოვეს „ერთიანი ნაციონალური მოძრაობის“ წევრებმაც.