ხარაგაულის მუნიციპალიტეტის სკოლებში კორონავირუსით ინფიცირების შემთხვევებმა იმატა.

საგანმანათლებლო რესურსცენტრის უფროსის, მარინე ვეფხვაძესგან მოპოვებული ინფორმაციით, ამჟამად სრულად დისტანციურ სწავლებაზეა ხარაგაულის #2, ბაზალეთის, ბორის, კიცხის, ლეღვანის, ლაშის, საღანძილისა და ვახანის სკოლები.

ხვალ, 27 ოქტომბერს, სასწავლო პროცესის საკლასო ოთახებში განახლებას გეგმავს საღანძილის სკოლა.

პირველ ნოემბერს უნდა შეუდგნენ სწავლას საკლასო ოთახებში ბორის, კიცხის, ლეღვანის, ბაზალეთისა და ლაშის სკოლები, 8 ნოემბერს – ხარაგაულის #2 და ვახანის სკოლები.

ხარაგაულის დანარჩენ სკოლებში სწავლა საკლასო ოთახებში მიმდინარეობს.

დღეის მდგომარეობით რამდენი მასწავლებელი და მოსწავლეა ინფიცირებული ხარაგაულის მუნიციპალიტეტში, – ამის შესახებ ზუსტ ინფორმაციას მარინე ვეფხვაძე არ ფლობს, რადგან ეს მონაცემები დღეში რამდენჯერმე იცვლება.