რიკოთის ჩქაროსნული მაგისტრალის ხევი-უბისას მეოთხე გვირაბთან, ინტენსიური წვიმის შედეგად, მიწის მასა ჩამოიშალა, რის გამოც მოძრაობა შეფერხდა.

მოძრაობის უსაფრთხოების მიზნით ავტომაგისტრალზე ტრანსპორტის მოძრაობა დროებით შეიზღუდა.

საავტომობილო გზების დეპარტამენტისგან გავრცელებული ინფორმაციით, ადგილზე მობილიზებულია საჭირო მძიმე ტექნიკა და პერსონალი. დაწყებულია გაწმენდითი სამუშაოები, სატრანპორტო მიმოსვლა უმოკლეს ხანში აღდგება.

ამ დროისთვის, დასავლეთის მიმართულებით გადაადგილება გომი-საჩხერე-ჭიათურა-ზესტაფონის საავტომობილო გზის გავლით არის შესაძლებელი.