CENN, ავსტრიის განვითარების თანამშრომლობის (ADC) ფინასური მხარდაჭერით აცხადებს პოსტერების კონკურსს თემაზე: ბუნების სტუმარი

კონკურსში მონაწილეობა შეუძლია საქართველოს ტერიტორიაზე არსებული ნებისმიერი სკოლის მოსწავლეს, ასაკის მიუხედავად.

ნამუშევრების მიღების ბოლო ვადაა: მიმდინარე წლის 18 მაისი, 18:00 საათი

საუკეთესო სამი ნაშრომი ავსტრიის საელჩოს მიერ დაჯილდოვდება 5 ივნისს, გარემოს დაცვის მსოფლიო დღეს.

ნამუშევრები შეგიძლიათ გააგზავნოთ ელ-ფოსტაზე: vano.gioshvili@cenn.org

დამატებითი შეკითხვებისათვის დაუკავშირდით CENN-ის ფეისბუქ გვერდზე.

კონკურსის თემა შთაგონებულია ცნობილი ავსტრიელი გარემოს დამცველი ხელოვანის, ფრიდენსრაიხ ჰუნდერტვასერის გამონათქვამით – „ბუნებაში შენ სტუმარი ხარ, შესაბამისად მოიქეცი“.

ინიციატივა ცხადდება პროექტის – ტყის მდგრადი მართვა სოფლის განვითარებისათვის ფარგლებში, რომელსაც CENN, ავსტრიის განვითარების თანამშრომლობის (ADC) ფინანსური მხარდაჭერით ახორციელებს.

წყარო