ბოლო 24 საათში კორონავირუსი ხარაგაულში ორ პირს დაუდასტურდა.

ერთი მათგანი ლაშეში ცხოვრობს. მისი ინფიცირების წყარო უცნობია. კორონავირუსი დაუდასტურდა მოლითის საბავშვო ბაღის გამგეს. ეს საბავშვო ბაღი 12 დღით დაიხურა, რადგან ერთ-ერთ თანამშრომელს კოვიდ-19 გუშინ დაუდასტურდა.

ხარაგაულის მუნიციპალიტეტში კორონავირუსის პირველად დაფიქსირებიდან დღემდე 562 პირი დაინფიცირდა. მათგან 541 გამოჯანმრთელდა, 13 – გარდაიცვალა. ამჟამად თვითიზოლაციაში 13 პირი რჩება.

დღეს კორონავირუსზე გეგმიური ტესტირება მოლითის, წიფის, ზვარესა და მარელისის სკოლების თანამშრომლებს უტარდებათ.

ხარაგაულის საზოგადოებრივი ჯანდაცვის ცენტრის ინფორმაციით, ხარაგაულის #2 და #3, გიმნაზიის, კიცხის, ბორის, წყალაფორეთის, ვარძიისა და ხიდრის სკოლების თანამშრომლების გუშინ ჩატარებული სწრაფი და PCR ტესტების პასუხები უარყოფითია.

ხარაგაულში მოქმედი სკოლების სკოლების თანამშრომელთა მორიგი ტესტირება მომავალ ორშაბათს დასრულდება.