მოგწონთ ბუნებაში ლაშქრობა?

გსურთ,

  • გაიგოთ უფრო მეტი საქართველოს დაცული ტერიტორიების შესახებ?
  • გაეცნოთ დაცული ტერიტორიის საქმიანობას და ჩაერთოთ მასში?
  • მიიღოთ მონაწილეობა ბიომრავალფეროვნების მონიტორინგში?

სახეობათა კონსერვაციის სამეცნიერო კვლევითი ცენტრი „ნაკრესი“ ბორჯომ-ხარაგაულის ეროვნულ პარკში და მიმდებარე რეგიონში იწყებს პროექტს სახელწოდებით „ბიომრავალფეროვნების კონსერვაცია თემზე დაფუძნებული მონიტორინგის სისტემის დანერგვის გზით“.

პროექტის ფარგლებში შეირჩევა 15 მოხალისე. შერჩეული მოხალისეებისათვის დაგეგმილია ტრენინგების ჩატარება, რის საფუძველზეც „ნაკრესის“ თანამშრომლებთან ერთად, ჩაერთვებიან ბორჯომ-ხარაგაულის ეროვნული პარკის მსხვილი ძუძუმწოვრების მონიტორინგში.

შერჩეული მოხალისეები მონაწილეობას მიიღებენ ადგილობრივ მოსახლეობასა და ეროვნული პარკის ადმინისტრაციას შორის კომუნიკაციის გაძლიერებაში და გარემოსდაცვითი ცნობიერების ამაღლების კამპანიებში.

პროექტის მიზნებიდან გამომდინარე, შერჩევის დროს პრიორიტეტი მიენიჭება ბორჯომ-ხარაგაულის ეროვნული პარკის მიმდებარედ მცხოვრებ კანდიდატებს და სამცხე-ჯავახეთის სახელმწიფო უნივერსიტეტის ეკოლოგიის ფაკულტეტის სტუდენტებს.

დამატებითი კითხვების შემთხვევაში დაგვიკავშირდით: 577101895, levan.tabunidze@nacres.org

შევსებული აპლიკაცია გააგზავნეთ levan.tabunidze@nacres.org (სათაურის ველში მიუთითეთ „მოხალისე“)

აპლიკაციის გაგზავნის ბოლო ვადაა  30.01.2021  18:00 საათამდე.