20 იანვრის მდგომარეობით, ხარაგაულში კორონავირუსით 62 ადამიანია ინფიცირებული. ხარაგაულში ვირუსის პირველი შემთხვევის დადასტურებიდან დღემდე კორონავირუსი სულ 470 ადამიანს დაუფიქსირდა. მათგან 400 უკვე გამოჯანმრთელდა, 8 – გარდაიცვალა.
აქტიური შემთხვევებიდან 6 ინფიცირებული კოვიდკლინიკებში მკურნალობს, ხოლო დანარჩენები – ბინაზე, ოჯახის ექიმის მეთვალყურეობით.
ხარაგაულში ამ ეტაპზე 51 პირი თვითიზოლაციაში იმყოფება.
ხარაგაულის საზოგადოებრივი ჯანდაცვის ცენტრის ექიმის, ნინო ყიფშიძის, ინფორმაციით, ბოლო პერიოდში კორონავირუსით ინფიცირების დადასტურებულ შემთხვევათა რაოდენობა შემცირებულია.
„ტესტირებები საზოგადოებრივ ჯანდაცვის ცენტრში, ხარაგაულის კოვიდკლინიკასა და ახლა უკვე ბორითის კოვიდკლინიკაში ყოველდღე, შაბათ-კვირისა და უქმე დღეების ჩათვლით, უფასოდ კეთდება, – ამბობს ნინო ყიფშიძე, – ბოლო პერიოდში კორონავირუსი, ძირითადად, კოვიდინფიცირებულების ოჯახის წევრებს უდასტურდებათ.
ორშაბათობით ხარაგაულის საავადმყოფოს მედპერსონალს PCR ტესტირება უტარდება. 18 იანვარს ჩატარებული ტესტირებებიდან ყველა პასუხი უარყოფითია. ვფიქრობ, რომ ინფიცირებულთა რიცხვის შემცირება დაწესებულ შეზღუდვებს უკავშირდება“.
თამთა გოგოლაძე
ხარაგაულის წმინდა ანდრია პირველწოდებულის გიმნაზიის
ჯანმრთელობის მსოფლიო ორგანიზაციის ევროპის რეგიონული ბიურო 2024 წლის
დაბადებიდან 49 წლის იუბილეს ვულოცავთ მის ყოვლადუსამღვდელოესობას, მარგვეთისა და უბისის ეპისკოპოსს,
საქართველოს რკინიგზის ინფორმაციით, აღდგომის დღესასწაულთან დაკავშირებით, ბათუმისა და
„მაღალმთიან დასახლებებში