7 იანვარს, ქრისტეშობას, მარგვეთისა და უბისის ეპისკოპოსის, მელქისედეკ ხაჩიძის ლოცვა-კურთხევით ხარაგაულის საკათედრო ტაძრის მაცხოვრის შობის დარბაზში (მეორე სართულზე) პირველი სადღესასწაულო წირვა ჩატარდება.

ამ დრომდე ღვთისმსახურება ტაძრის პირველ სართულზე განთავსებულ დარბაზში მიმდინარეობდა.

6 იანვარს, 16 საათზე, ტაძარში დაიწყება მწუხრის და ცისკრის ლოცვები, რომელსაც მისი ყოვლადუსამღვდელოესობა მარგვეთისა და უბისის ეპოსკოპოსი მელქისედეკი (ხაჩიძე) ჩაატარებს.

7 იანვარს, სადღესასწაულო საშობაო წირვა დაიწყება დილის 10 საათზე, რომელსაც ასევე, მეუფე მელქისედეკი აღავლენს.

ქვეყანაში შექმნილი ეპიდვითარებიდან გამომდინარე, აუცილებელია, რომ წირვა რეგულაციების დაცვით (პირბადეებითა და დისტანცირებით) ჩატარდეს.