კორონავირუსის პანდემიის გამო შექმნილი ეპიდსიტუაციიდან გამომდინარე, ხარაგაულის მუნიციპალიტეტში მოქმედ ოცივე საბავშვო ბაღში სასწავლო-სააღმზრდელო პროცესი 9 ნოემბრიდან შეწყვეტილია.

„საქმიანობის 16 ნოემბრიდან განახლებას ვგეგმავდით, – ამბობს ხარაგაულის სკოლამდელ დაწესებულებათა გაერთიანების დირექტორი მამუკა ჭიპაშვილი, – ხარაგაულში კორონავირუსით ინფიცირების შემთხვევები მომრავლდა. ამიტომ გადავწყვიტეთ, რომ სასწავლო-სააღმზრდელო პროცესი 24 ნოემბრამდე შევაჩეროთ“.

უწყებათაშორისი საკოორდინაციო საბჭოს გადაწყვეტილებით, 9 ნოემბრიდან დახურულია მუნიციპალური და კერძო საბავშვო ბაღები თბილისში, ქუთაისში, ბათუმში, რუსთავში, ზუგდიდში, გორსა და ფოთში.