საქართველოს შვიდ დიდ ქალაქში – თბილისი, ქუთაისი, ბათუმი, რუსთავი, ზუგდიდი, გორი, ფოთი – დღეიდან, 22:00 საათიდან 05:00 საათამდე გადაადგილება, როგორც ქვეითად, ისე – სატრანსპორტო საშუალებებით, იზღუდება.

ამასთან დაკავშირებით მატარებლების მოძრაობის გრაფიკი დღეიდან, 9 ნოემბრიდან, შეიცვალა.

„საქართველოს რკინიგზადან“ მოპოვებული ინფორმაციით, შეიცვალა მხოლოდ იმ მატარებლების განრიგი, რომლებიც საღამოს საათებში გადაადგილდებოდნენ.

ესენია თბილისი-ბათუმის, თბილისი-ფოთისა და თბილისი-ზუგდიდის მატარებლები.

თბილისი-ბათუმის მატარებელი თბილისიდან 15:05 სთ-ზე გამოვა და ბათუმში 20:05 საათზე ჩავა, ბათუმიდან თბილისის მიმართულებით კი 15:25 საათზე გამოვა და თბილისში 20:30 საათზე იქნება.

ფოთი-თბილისის მატარებელი ფოთიდან 15:05 საათზე გამოვა და თბილისში 20:15 ჩავა. ეს მატარებელი ხარაგაულში 17:46 საათზე იქნება.

ახალი გრაფიკის თანახმად, ზუგდიდიდან თბილისის მიმართულებით 18:10 საათის ნაცვლად, მატარებელი 14:05 საათზე გავა და ის თბილისში 19:45 საათზე ჩავა. ხარაგაულში 17:15 საათზე იქნება.

ცვლილებაა ხაშური-ხარაგაული-ზესტაფონის – ე. წ. „მასტერაოს“ მიმოსვლის განრიგშიც. საღამოს ეს მატარებელი 17:12 საათის ნაცვლად ზესტაფონიდან 17:55 წუთზე გამოვა, ხაშურში კი 20:05 წუთზე იქნება.