ხარაგაულის საავადმყოფოში ყველა სპეციალისტი ყოველდღიურად ხელმისაწვდომი არ არის, რაც პაციენტების სხვა მუნიციპალიტეტებში გადინებას იწვევს.

ეს მდგომარეობა უფრო გართულდა მას შემდეგ, რაც ხარაგაულის საავადმყოფო კოვიდცენტრად გადაკეთდა და კორონავირუსით ინფიცირებულთა გარდა ვერც ერთ სხვა პაციენტს ვეღარ იღებს.

ხარაგაულში მცხოვრები მარინე გოგია ამბობს, არასრულყოფილი სამედიცინო მომსახურების გამო, ურჩევნია სხვა მუნიციპალიტეტის საავადმყოფოს მიმართოს.

მარინეს მიაჩნია, რომ ჯანდაცვა და სხვადასხვა სერვისები ადამიანებზე და მათ საჭიროებებზე უნდა იყოს მორგებული.

ის ამბობს, რომ პარლამენტში თუ სხვა თანამდებობებზე არჩეულ პირებს უნდა ჰქონდეთ შესაბამისი განათლება, რომ მოსახლეობისთვის აუცილებელი სისტემები სწორად მოაწყონ.

ნინო კაპანაძე