მსოფლიოში კორონავირუსის პანდემია მძვინვარებს.

საქართველოში, რომელიც ამ დრომდე „მწვანე ზონის“ ქვეყნად რჩება, ბოლო ერთი კვირაა, ყოველდღიურად კორონავირუსის ასეულობით ახალი შემთხვევა ფიქსირდება.

ამ ვირუსთან ბრძოლის ყველაზე ეფექტური და, ფაქტობრივად, ერთადერთი შესაძლებლობა, ეპიდემიოლოგების რეკომენდაციებია:

  • დავიცვათ დისტანცია;
  • ვერიდოთ ხალხმრავალ შეკრებებს;
  • წესების დაცვით გამოვიყენოთ პირბადე.

ექიმები ამბობენ, რომ ასეთ შემთხვევებში დაავადების გადადების რისკი მინიმალურია.

ხარაგაულში, ამ დრომდე, კორონავირუსის არც ერთი შემთხვევა არ დაფიქსირებულა და მსოფლიო პანდემიის ფონზე, „მწვანე ზონის“ სტატუსს ვინარჩუნებთ.

იმისთვის, რომ ჩვენს სკოლებში სწავლა საკლასო ოთახებში გაგრძელდეს, 12 ოქტომბრისთვის საბავშვო ბაღების გახსნა იყოს შესაძლებელი; იმისთვის, რომ დავიცვათ საკუთარი და ჩვენივე ოჯახის წევრების – ბავშვების, მოხუცების, ქრონიკული დაავადებების მქონე ახლობლების ჯანმრთელობა და სიცოცხლე, ყველა ხარაგაულელს და ხარაგაულელების სტუმრებს მაქსიმალური სიფრთხილისკენ და ეპიდემიოლოგებისგან დადგენილი წესების სრულყოფილად დაცვისკენ მოგიწოდებთ.