საბავშვო ბაღები, მთელი ქვეყნის მასშტაბით, აჭარის გარდა, 12 ოქტომბრიდან ამოქმედდება, – ამის შესახებ განათლების მინისტრმა მიხეილ ჩხენკელმა საკოორდინაციო საბჭოს სხდომის შემდეგ გამართულ ბრიფინგზე განაცხადა.

მისივე თქმით, ასევე აჭარის რეგიონის გარდა, უმაღლესი და პროფესიული სასწავლებლები სწავლების ჩვეულებრივ რეჟიმზე 19 ოქტომბრიდან გადავლენ.

„ძალიან მნიშვნელოვანია, რომ ყველამ ზედმიწევნით დავიცვათ ჯანდაცვის რეკომენდაციები. დეტალურად ვაკვირდებით დინამიკას, გამოცხადებული თარიღები შერჩეულია ადაპტაციის პროცესის ეტაპების გათვალისწინებით, “- აღნიშნა მიხეილ ჩხენკელმა.