ხარაგაულის მუნიციპალიტეტის ტერიტორიაზე, რკინიგზის სადგურ მოლითთან ახალი რკინიგზის მშენებელი კომპანიის კუთვნილმა ტრაქტორმა მაღალი ძაბვის ბოძი მოტეხა.

ამის გამო რკინიგზის მუშაობა პარალიზებულია.

საქართველოს რკინიგზის წარმომადგენლები ვერ ასახელებენ დროს, თუ როდის აღდგება სარკინიგზო მომოსვლა, რადგან, მათი თქმით, დაზიანება ძალიან რთულია.

შემთხვევა ამ დილით 08:25 წუთზე მოხდა. ამ ადგილას ერთი წუთის შემდეგ საგარეუბნო მატარებელს – ხაშური-ხარაგაული-ზესტფონი – უნდა გაევლო.

საბედნიეროდ, შემთხვევის შედეგად არავინ  დაშავებულა.