» კორონავირუსით ინფიცირების შვიდი ახალი შემთხვევა და არცერთი გამოჯანმრთელებული – 26 აგვისტოს მონაცემებით| ჩემი იმერეთი
მთავარი ახალი ამბები საზოგადოება პოლიტიკა რეკლამა
სინათლე არ უნდა ჩაქრეს

კორონავირუსით ინფიცირების შვიდი ახალი შემთხვევა და არცერთი გამოჯანმრთელებული – 26 აგვისტოს მონაცემებით

ახალი ამბები|26.08.2020 | ნახვა: 1171

დღეს, 26 აგვისტოს, საქართველოში კორონავირუსის 7 ახალი შემთხვევა დადასტურდა.

ინფექციური საავადმყოფოს სამედიცინო დირექტორის, მარინა ეზუგბაიას განცხადებით, დღეს გამოჯანმრთელებულთა რიცხვი არ შეცვლილა.

„დღეს დადასტურებული შვიდი შემთხვევიდან ოთხი პაციენტი სხვა ქვეყნებიდან არის შემოსული, მათ შორის ერთი სატვირთო ავტომობილის მძღოლია. დღეს კორონავირუსი ორ სამედიცინო პერსონალს დაუდასტურდა და ასევე ცნობილია ერთი დაავადებულის წყაროც. გამოჯანმრთელებულები დღეს არ დაგვმატებია. ამჟამად კოვიდცენტრებში 259 პაციენტი მკურნალობს. მათგან 4 კრიტიკულად მძიმე და 23 მძიმე პაციენტი კოვიდცენტრების რეანიმაციისა და ინტენსიური თერაპიის განყოფილებებშია მოთავსებული“ – ამბობს მარინა ეზუგბაია.

დღეის მდგომარეობით, საქართველოში კორონავირუსის დაფიქსირებიდან დღემდე:

  • სულ ინფიცირებულია 1436 პირი;
  • მათ შორის გამოჯანმრთელებულია – 1150;
  • გარდაცვლილია – 19; 
  • კარანტინში 6010 მოქალაქე იმყოფება;
  • სტაციონარში მეთვალყურეობის ქვეშ – 236.