დაავადებათა კონტროლის ეროვნულ ცენტრში მიმდინარე ბრიფინგზე პაატა იმნაძემ ჟურნალისტების დასმულ კითხვებს უპასუხა.

მისი თქმით,  ზღვა ვირუსის გავრცელების საფრთხეს არ წარმოადგენს.

„მიუხედავად იმისა, რომ ვირუსის გენეტიკური მასალა ნაპოვნია ფეკალიებში და ზღვაშიც ჩამდინარე წყლებია,  ზღვა ვირუსის გავრცელების საფრთხეს არ წარმოადგენს. კორონავირუსის გენეტიკური მასალის სიცოცხლისუნარიანობის შესასწავლად უკვე უამრავი კვლევა ჩატარდა. ამ კვლევებით დგინდება, რომ ზღვა კორონავირუსის გავრცელებისთვის საშიში არ არის. პლაჟი უფრო საფრთხილოა, თუ დისტანცია არ დავიცავით“.

მისივე განმარტებით, ვერც კოღოები გახდებიან კორონავირუსი გამავრცელებლები. მართალია, არსებობს მოსაზრება, რომ თითქოს კორონავირუსი ჰაეროვანი გზით გადაეცმა, მაგრამ, ყოველშემთხვევაში, კოღოები არ არიან covid-19-ის გადამტანები.