ხარაგაულის მუნიციპალიტეტის სოფელ მაქათუბანში მცხოვრები მამაკაცი, რომელსაც კოვიდინფიცირებულთან ჰქონდა კონტაქტი, კარანტინშია გადაყვანილი.

ხარაგაულის საზოგადოებრივი ჯანდაცვის ცენტრის უფროსის, შმაგი ხიჯაკაძის, ინფორმაციით, აღნიშნულმა პიროვნებამ 18 მაისს თბილისიდან ზესტაფონელ ადამიანთან ერთად ტაქსით იმგზავრა. ზესტაფონელ პიროვნებას კორონავირუსი გუშინ დაუდასტურდა.

„დღეს მაქათუბანში ვიყავი და ამ პიროვნების ყველა შესაძლო კონტაქტი მოვიძიე. 12 პიროვნება თვითიზოლაციაშია გადაყვანილი. მაქათუბნელ პირს მგზავრობის განმავლობაში პირბადე ეკეთა. მას, ჯერჯერობით, ვირუსის სიმპტომები არ აღენიშნება. ინფიცირებული ზესტაფონელი მამაკაცი 17 მაისს სომხეთიდან „ტრაილერით“ ჩამოვიდა. ის ამ სატვირთო ავტომობილის მძღოლია“, – ამბობს შმაგი ხიჯაკაძე.