ახალი კორონავირუსის გავრცელების პრევენციის მიზნით საჯარო სკოლებში არდადეგები გახანგრძლივდა. 

განათლების სამინისტროსგან ონლაინ სწავლებაზე გადასვლის რეკომენდაციები შესასრულებლად ძნელი აღმოჩნდა.

-საერთოდ ვერ ვურთიერთობ მოსწავლეებთან, – ამბობს ხარაგაულის #3 საჯარო სკოლის მათემატიკის მასწავლებელი ირინა გოგოლაძე, – ორშაბათს უნდა შევკრებილიყავით სკოლაში და გეგმები დაგვესახა, მაგრამ სკოლის დირექტორის რეკომენდაციით, ისევ სახლში უნდა ვიყოთ.

ონლაინ რესურსებზე წვდომის გამოცდილება არ მაქვს. კიდეც რომ მქონდეს, ჩემი მოსწავლეების უმრავლესობას ინტერნეტზე ხელი არ მიუწვდება. დიდ ქალაქებში უჭირთ ონლაინ პლატფორმაზე გადასვლა და ჩვენ – მითუმეტეს.

აბიტურიენტებიც დავითხოვე. დავავალე, რომ განვლილი მასალა გაიმეორონ. თუ სიტუაცია უკეთესობისკენ არ შეიცვალა, მოსწავლეებთან ურთიერთობას ტელეფონით გავაგრძელებ.