3,5 თვის გვანცა გოგსაძის დედამ, თიკო მჭედლიშვილმა სოციალური ქსელით გულისხმიერი ადამიანებისადმი მადლიერების გამომხატველი მიმართვა გაავრცელა:

ჩემო ძვირფასებო!
რა მადლობა, რა სიტყვები – არ ვიცი, რა უნდა გითხრათ ასეთი გვერდში დგომისთვის. ასე დაიმედებული არასდროს ვყოფილვარ. ისეთი ძალა მომეცით, რომ მგონია, ვეღარაფერი წამაქცევს.

როგორ მოასწრო ჩემმა ასე პატარა შვილმა ხალხის ამხელა სიყვარული. როგორ ველოდებოდით ყველა ჩემი გიოსავით ძლიერ გოგოს. დაიბადა და ვიძახდი, ეს რა ნაზი გავაჩინე, ნაზიკო უნდა დამერქმია-მეთქი. თურმე რა მელოდა წინ.

მთელი ცხოვრება საფრანგეთში მოხვედრასა და ეიფელის ნახვაზე ვოცნებობდი. ახლა ეს ყველაფერი ჩემ თვალწინ არის და ვეღარც ვხედავ. შვილის გამოჯანმრთელების გარდა აღარაფერი მაინტერესებს. არაფერი მინახავს, ხომ გჯერათ?

ჯანმრთელობის გარეშე არაფერს ჰქონია ფასი. ჩვენ ყველა ერთად, ისევ გაჭირვებაში, ისევ შრომაში, ოღონდ შვილის ჯანმრთელობა საოცნებო გამიხდა. 

ვერ წარმომიდგენია, ერთი შეხედვით ჯანმრთელი ბავშვი ერთ დღეს როგორ შეიძლება გაქრეს. ეს როგორ შეიძლება მოხდეს.

რამდენი ადამიანი მწერს, მირეკავს, იმდენმა ადამიანმა მიიტანა ჩვენი სატკივარი გულთან.

ახლა რეალური გამოსავალი გამოჩნდა თითქოს, რომ მკურნალობის ნაწილობრივი დაფინანსება მივიღოთ; ოღონდ, როგორც ჩანს, ამას დრო ჭირდება – 1 თვე, 2 თვე. მანამდე კიდევ მოგროვდება იმდენი თანხა, რაც მკურნალობის დაწყებას შეგვაძლებინებს.

იმედია, ჩემი გოგო გაუძლებს ამ დროს. დიდი იმედით მაქვს, რომ მკურნალობას მანამდე დავიწყებთ, სანამ გვანცა 5-6 თვის გახდება და სანამ ამ დაავადების ბოროტება თავს გამოიჩენს.

მოგყვებით თქვენ, მივყვები ბედს და იმათ, ვინც ახლა, ამ მომენტში კონკრეტული ნაბიჯების გადადგმაში მეხმარებიან და ჩემზე მეტი ესმით.

დამელოდეთ, როდის დამიდგება დღე, რომ ყველას მოგახაროთ „გვანცამ მკურნალობა დაიწყო“. 

არ გეწყინოთ, თუ ყველას ვერ გიპასუხებთ მესიჯებზე. ამ დღეებში შეიძლება ინტერნეტთანაც ვერ მოვხვდე. გთხოვთ, არ შემომეცალოთ. გვანცაზე იფიქრეთ და ილოცეთ 🙏 – წერს სოციალურ ქსელში საკუთარ ფეისბუგვერდზე გვანცა გოგსაძის დედა თიკო მჭედლიშვილი.

 

გვანცას ამბავი 🐣🐣🐣

გვანცა 3.5 თვის არის და მას იშვიათი გენეტიკური დაავადება სპინალური ამიოტროფია 1 თვის ასაკში აღმოაჩნდა, იგივე Werdnig-Hoffman პარალიჩი, რომელიც საწყის ეტაპზე კიდურების უმოძრაობით და ზოგადად, კუნთის ტონუსის დაქვეითებით ხასიათდება. დაახლოებით 5 თვის ასაკიდან იწყება სუნთქვასა და ყლაპვასთან დაკავშირებული გართულებები და სიცოცხლის მაქსიმალური ხანგრძლივობა წელიწანდახევარი- ორი წელია. ეს იმ შემთხვევაში, თუ ბავშვი ვერ იმკურნალებს.

ამ დაავადების მკურნალობა მსოფლიოში 2016 წლიდან გახდა შესაძლებელი. საქართველოში მკურნალობა არც დღეს არსებობს, მაგრამ განვითარებულ ქვეყნებში დღეს დანერგილი ორი მეთოდი, მსოფლიოში ყველაზე ძვირადღირებულია. SPINRAZA (nusinersen), რომელიც 500 000 ათას დოლარს აჭარბებს და 2019 წლის 24 მაისს აღიარებული გენური თერაპია-Zolgensma, რომელიც 2.1 მილიონი დოლარი ღირს.

რადგან ოჯახი ვერასოდეს მოახერხებდა ბავშვის საკუთარი სახსრებით მკურნალობას, ახლო მეგობრების დახმარებით საფრანგეთში წავიდნენ ქვეყნის ჰუმანური სოციალური სისტემის იმედით. საფრანგეთის კლინიკებმა მკურნალობაზე უარი უთხრეს და რეალობასთან შეგუება ურჩიეს. რეალობა კი ის არის, რომ მსოფლიოს სხვადასხვა კლინიკები და ფარმაცევტული კომპანიები ადასტურებენ, რომ გვანცას დიაგნოზი მკურნალობას ექვემდებარება დროული ჩარევის შემთხვევაში. მკურნალობის გეგმის მოსაწოდებლად და მკურნალობის დასაწყებად კლინიკებს ფინანსური გარანტია სჭირდებათ-დაზღვევა, ანგარიშზე არსებულ თანხა ან სპონსორი, რომელიც საკუთარ თავზე აიღებს ხარჯებს. ვინაიდან, სპონსორის გამოჩენის არც ილუზია გვაქვს და არც ისეთი დაზღვევის შესაძლებლობა, რაც მკურნალობას მთლიანად დაფარავს, მკურნალობის დაწყებისთვის საჭირო თანხის ნაწილის შეგროვებას ვცდილობთ.

მეგობრებო, თუ გავერთიანდებით, 1 ლარსაც კი ძალიან დიდი ცვლილება შეუძლია ❤

შემოწირულობისთვის:

საბანკო კოდი – TBCBGE22
მიმღების დასახელება – თინათინ მჭედლიშვილი ანგარიშსწორების ანგარიში – GE60TB7305045064300006.Tiko Mchedlishvili

აპარატით გადარიცხვის მსურველთათვის. TBC Pay. დედა: თინათინ მჭედლიშვილი. პირადი ნომერი:40001008198. დაბადების თარიღი: 19.04.1985.

საბანკო კოდი – BAGAGE22
მიმღების დასახელება- ლია ჩიტაძე ( გვანცას ბებია)
ანგარიშსწორების ანგარიში GE06BG0000000103330922

Go FUND ME, შემოწირულობა ბარათის მეშვეობით: https://www.gofundme.com/f/help-us-save-gvantsas-life…