ზესტაფონის მუნიციპალიტეტში მოქმედი დღის ცენტრის „ორიონის“ წარმომადგენლები ხარაგაულში სპეცპედაგოგებს, ამბულატორიების მედპერსონალსა და ადგილობრივი ხელისუფლების წარმომადგენლებს შეხვდნენ.
ა/ო „ორიონის“ თავმჯდომარე ნანა (ჟანა) ფერაძემ, მისმა მოადგილემ ინა ზარნაძემ და თერაპევტმა სოფო ჩაჩანიძემ შეხვედრაზე „ორიონში“ დანერგილი უახლესი თერაპიების შესახებ ისაუბრეს, წარმოადგინეს ის თვალსაჩინოებები და აღჭურვილობა, რომლითაც დღის ცენტრში მუშაობენ.
შეხვედრაზე აჩვენეს „ორიონის“ ბენეფიციართა მონაწილეობით დადგმული სპექტაკლი „რწყილი და ჭიანჭველა“, რომელიც პოლონეთში გამართული ფესტივალის გამარჯვებულია.
