ამ წუთებში ხარაგაულის მუნიციპალიტეტის საკრებულოს სხდომა მიმდინარეობს.

დეპუტატები საბიუჯეტო ცვლილებას და შესყიდვების გეგმის 2017 წლის ანგარიშს განიხილავენ.

დღევანდელ სხდომაზე მერიასა და საკრებულოში ხელფასების მომატებისა და სოციალური დახმარების გაცემის წესში ცვლილებებს შეიტანენ.

საკრებულოს ფრაქციების თავმჯდომარეებს თებერვლიდან მოადგილეები ეყოლებათ. დეპუტატები ამ ინფორმაციას ცნობად მიიღებენ და შესაბამის ცვლილებას რეგლამენტში განახორციელებენ.

საკრებულოს სხდომები საჯაროა და დასწრება ნებისმიერ დაინტერესებულ პირს შეუძლია.