ხარაგაულის მუნიციპალიტეტის სამ სოფელში – ბაზალეთში, ახალსოფელსა და ჩხერში – გაზიფიცირების სამუშაოები მიმდინარეობს.

„სოკარ ჯორჯია გაზის“ ზესტაფონის სერვისცენტრის მენეჯერის, ლევან აბაშიძის, ინფორმაციით, ბაზალეთში გაზიფიცირების გარეშე დარჩენილ 30 ოჯახს ბუნებრივ აირს უახლოეს ხანში მიაწოდებენ.

ამის შემდეგ კი ჩხერისა და ახალსოფლის შიგა დაქსელვის სამუშაოები დაიწყება. ჩხერსა და ახალსოფელში გაზიფიცირება, ლევან აბაშიძის ინფორმაციით, თებერვლის ბოლოს დასრულდება.