საავტომობილო გზების დეპარტამენტის მიერ გავრცელებული ინფორმაციით, რიკოთის საავტომობილო გვირაბში 11 დეკემბრიდან 15 დეკემბერის ჩათვლით, ღამის 00:00 სთ-დან დილის 07:00 სთ-მდე, ყველა სახის ავტოტრანსპორტის მოძრაობა იკრძალება.

ამის მიზეზი საავტომობილო გვირაბში მართვის ავტომატიზირებული სისტემის განახლებაა.

ტრანსპორტი რიკოთის საავტომობილო გვირაბის შემოსავლელ გზაზე იმოძრავებს, სადაც ორ სხვადასხვა ადგილას უზრუნველყოფილი იქნება საბუქსირე მექანიზმების მორიგეობა.